KIA … Kazi ya Sanaa

Barabara hii inayoelekea KIA ni mithili ya mstari ulionyooka kwa kupigwa kwa rula. Ina urefu wa kiasi cha kilomita sita kutoka Barabara Kuu ya Moshi kwenda Arusha.

Unaanza kuliona jengo la kiwanja … takribani umbali wa kilometa moja hivi.

Hapa ni sehemu ya jengo la Uwanja wa Ndege wa Kimataifa wa Kilimanjaro (JRO/KIA). Unapolitazama jengo hili kwa kiasi fulani unapata hisia za Jengo la Terminal One la Julius Nyerere International Airport. Kuna tofauti mbalimbali hata hivyo.

Uwanja wa Ndege wa Kimataifa wa Kilimanjaro (JRO/KIA) … nao ni sanaa ya aina yake. Ingawa ni uwanja mdogo na kama unatoka ughaibuni utahisi kama vile unatua kwenye uwanja wa ndege wa Kijiji, kubwa ni kwamba aliyesanifu ramani ya jengo na mpangilio wa vitu kuwa nini kiwe wapi na wapi kiwekwe nini alifanya kazi nzuri. Upungufu uliopo unaweza kushughulikiwa na uongozi wa sasa, hasa kwa vile hivi sasa kiwanja hiki kimeanza kuwa na kazi nyingi na kwa hiyo kinaingiza mapato mazuri.

Kilicho chako, japo kidogo, yakupasa kujivunia.

Pamoja sana