simbadeo2000

WAZA MPAKA BASI (THINK TO NO END).com weblog NOTE: Views or opinions expressed in this blog do NOT in any way represent those of any organisation, community, association, company, circle of friends, religious or ethnic group to which I am associated with.

Kazi: Pengine ya kwako ni ngumu, tazama ya hawa…

leave a comment »


SAM_8637

Naam. Hii ni hatua ya katikati. Maana kazi yenyewe huanzia na kuangusha miti, kukata magogo na kisha kutengeneza matanuri. Ndugu huyu hapa anahakikisha kuwa tanuri la mkaa linaendelea vema.

 

SAM_9144

SAM_9146

Hatua nyingine ni usafirishaji. Kuna wanaobeba kwa vichwa, baiskeli, pikipiki na hata malori. Tafakari ugumu wa kazi ya wachoma mkaa. Linganisha na kazi yako. Huenda unalalamika kuwa kazi yako ni ngumu. Je, ni ugumu wa aina hii? Vipi kuhusu kipato kinachotokana na kazi yao, unakilinganisha vipi na cha kwako kwa kazi yako?

Angalizo

Wakati huohuo, ni muhimu tufanye jitihada kwa jamii yetu ya Watanzania ili tutoke katika matumizi ya mkaa. Yanaua mazingira. Yanaua maendeleo. Yanaua afya. Sasa tuna gesi. Tuhakikishe kwamba kila mmoja wetu anamudu gharama za gesi pamoja na zana zinazotakiwa ili tuhifadhi miti na misitu yetu.

Pamoja sana.

Dar es Salaam: Watu na sanamu

with one comment


SAM_8563

Kwa hakika siku hizi huna budi kufungua macho. Kipi ni kitu halisi, kipi sicho. Mathalani, kwenye picha hiyo unaona vitu vingapi vilivyo halisi? Vingapi si halisi?

Katika maisha yetu ya kila siku: ni vema tuchunguze kila kitu ili kuepuka kubeba bandia kwa kudhani ni halisi.

Pamoja sana.

Written by simbadeo

February 25, 2015 at 5:57 pm

Morogoro: Ya kale ni dhahabu

leave a comment »


morogoro

Ya kale ni dhahabu. Ukitoka Stendi ya zamani ya mabasi pale Morogoro mjini, ukafuata Boma Road kuelekea mlimani, utakutana na jengo hili. Binafsi, naliona kama ni hazina. Kuna historia ndefu hapa inayosubiri tuifichue. Jengo hili limeshuhudia mengi katika matukio muhimu ya nchi yetu. Mwenye taarifa zaidi tafadhali atujuze.

Pamoja sana.

Written by simbadeo

February 23, 2015 at 6:53 pm

Posted in Siasa na jamii

Panda Miti: Tunza mazingira, ingiza pesa, imarisha afya

leave a comment »


mwembe miche miembe miche mitiki

Mungu atupe nini? Wekeza sasa kupitia miti ili ije ikutunze miaka michache ijayo. Kuna msemo unaoishia na ‘…fainali uzeeni’. Bila shaka kila mmoja wetu anaweza kujiwekea akiba yake kupitia kilimo cha miti. Kupitia kilimo hiki utahifadhi mazingira, utaingiza pesa na utaimarisha afya yako kwani kuna miti itakayokupatia matunda.

Pamoja sana.

Written by simbadeo

February 23, 2015 at 6:50 pm

Posted in Siasa na jamii

Makabila Tanzania: Utajiri wa Kujivunia

leave a comment »


Makabila Tanzania

Nimewahi kuona ramani hii mahali. Niliipenda.

Ukitazama hapa unaona kwamba Tanzania ina makabila mengi sana. Huu ni utajiri mkubwa. Yaani, tukiamua kulitazama jambo hili kwa mtazamo chanya.

Maana, kuna wanafalsafa wanaosema ‘Unity in diversity’. Kwa hiyo, tusitumie makabila kuleta mgawanyiko, bali tuutumie kuleta umoja na kujenga Taifa imara.

Je, wewe hapo kabila lako ni lipi?

Tujenge Taifa letu. Tutumie utajiri wa makabila yetu kuwa na taifa imara na lenye mshikamano wa hali ya juu.

Kwa uzoefu wangu, daima nimejisikia nyumbani kuwa katika pembe yoyote ile ya nchi hii ya Tanzania. Naamini nawe pia ndivyo ambavyo daima umejisikia — kuwa nyumbani mbali na nyumbani.

Pamoja sana.

Written by simbadeo

February 23, 2015 at 6:28 pm

Posted in Siasa na jamii

2014 in review: A big thank you to followers, visitors, fans and all

leave a comment »


The WordPress.com stats helper monkeys prepared a 2014 annual report for this blog.

Here’s an excerpt:

The concert hall at the Sydney Opera House holds 2,700 people. This blog was viewed about 54,000 times in 2014. If it were a concert at Sydney Opera House, it would take about 20 sold-out performances for that many people to see it.

Click here to see the complete report.

Written by simbadeo

December 29, 2014 at 11:50 pm

Posted in Siasa na jamii

Kampeni: Damu Salama kwa Wagonjwa

with 6 comments


Ni katika Viwanja vya Sitakishari Social Club, Ukonga Banana, Dar es Salaam.

Ni katika Viwanja vya Sitakishari Social Club, Ukonga Banana, Dar es Salaam.

Wamejitokeza watu wa karibu rika zote kutoka kona mbalimbali za jiji la Dar es Salaam. Wengi wao wakiwa ni wanachama wa vilabu vya mchakamchaka (jogging clubs).

Wamejitokeza watu wa karibu rika zote kutoka kona mbalimbali za jiji la Dar es Salaam. Wengi wao wakiwa ni wanachama wa vilabu vya mchakamchaka (jogging clubs).

Naam, kulikuwa na upimaji na uchangiaji damu.

Naam, kulikuwa na upimaji na uchangiaji damu.

Walijitokeza wadau mbalimbali ...

Walijitokeza wadau mbalimbali …

Mstahiki Meya wa Ilala, Bw Jerry Silaa, hakuwa nyuma.

Mstahiki Meya wa Ilala, Bw Jerry Silaa, hakuwa nyuma.

Wadau wakisubiri zamu zao kuingia uwanjani kukipiga ...

Wadau wakisubiri zamu zao kuingia uwanjani kukipiga …

Naam. Mshika kibendera yuko makini tayari kuchukua hatua inayostahili wakati mechi mojawapo ikiendelea.

Naam. Mshika kibendera yuko makini tayari kuchukua hatua inayostahili wakati mechi mojawapo ikiendelea.

Wanamasumbwi kutoka Kongowe wakifanya mazoezi hapohapo uwanjani...

Wanamasumbwi kutoka Kongowe wakifanya mazoezi hapohapo uwanjani…

Ni sekeseke karibu na lango ...

Ni sekeseke karibu na lango …

Kwa hakika ni bonanza la aina yake. Kuna burudani kedekede — soka, ndondi, muziki. Kuna vyakula na vinywaji vya kutosha kila mmoja. Ni muhimu kuchangia damu salama ili kunusuru maisha ya wale wanaohitaji kuongezewa damu, hasa akina mama wajawazito na watoto. Jitolee kuchangia damu ili kuokoa maisha. Pima afya yako. Ni leo tarehe 22 Juni, 2014 katika Viwanja vya Sitakishari – Ukonga Banana, jijini Dar es Salaam. Pamoja sana.

Follow

Get every new post delivered to your Inbox.

Join 1,520 other followers