Ufukweni … Mahali pa Kutafakari

Ufukwe katika Bahari ya Hindi … mkabala na Hospitali ya Aga Khan

Moja ya biashara ambazo hutawala kwenye ufukwe huo ni hii ya madafu. Kinywaji hiki ni bora kwani ni cha asili na madafu hayo mara nyingi yanatolewa hapo ng’ambo tu … ukivuka hiyo bahari. Si vibaya ukanywa maji ya dafu na kula nyama yake walau mara sita kwa mwaka. Bei yake ni nafuu sana!

Ukitaka kuvuta fikra za ndani kabisa … nenda pwani … tembea mchangani … tazama upeo wa macho kwa makini. Sahau kuhusu mwili wako, sahau sauti za magari. Sikiliza tu upepo mwanana wa bahari na jinsi mawimbi yanavyosafiri. Miale ya jua inavyochezacheza juu ya maji. Rangi ya mchanga. Vidoti doti vya watu na vyombo vya baharini. Ibua fikra nzito, zinazomgusa kila binadamu. Upendo. Amani. Furaha. Matumaini. Maendeleo. Urafiki. Uzuri. Wema. Mshikamano.

Pamoja sana!